ယနေ့ ၂၀၂၅ မတ်လ ၁၁ ရက်နေ့တွင် မဟာဝိဟာရဓမ္မဝိနယတက္ကသိုလ်၏ ၂၀၂၄-၂၀၂၅ ပညာသင်နှစ် အတန်းတင်စာမေးပွဲ (ပထမနေ့) ကိုစတင်ဖြေဆိုခဲ့ပါသည်။စာသင်သားသံဃာတော်များအားလုံး တက်ရောက်ဖြေဆိုကြပြီး ဒုတိယ-ပါမောက္ခချုပ် ဒေါက်တာဟံဝင်း၊ မော်ကွန်းထိန်းဆရာတော် ဒေါက်တာဝါယမ တို့မှ လာရောက် ကြည့်ရှုစစ်ဆေး ခဲ့ပါတယ်။

၁၃.၂.၂၀၂၅ ရက်နေ့တွင် မဟာဝိဟာရဓမ္မဝိနယတက္ကသိုလ် မှဖွင့်လှစ်ထားသော "English Through Theravāda Buddhism" သင်တန်းဆင်းပွဲကို အောင်မြင်စွာ ကျင်းပခဲ့သည်။
သင်တန်းဆင်းပွဲအခမ်းအနားသို့ မော်ကွန်းထိန်းဆရာတော် ဒေါက်တာအရှင်ဝါယမ က တက်ရောက်ပြီး မိန့်ခွန်းပြောကြားခဲ့သည်။ထို့နောက်သင်တန်းသားသံဃာတော်များအား သင်တန်းအောင်လက်မှတ်များကို တစ်ပါးချင်းစီ ဆက်ကပ်ခဲ့သည်။

"English Through Theravāda Buddhism" သင်တန်းကို ဂျာမနီနိုင်ငံမှ Mr. Thomas Bruhn နှင့် Mr. Aron တို့သည် online မှ သင်ကြားပို့ချပေးခဲ့သည်။ ဤသင်တန်းသည် တက္ကသိုလ်စာသင်သား သံဃာတော်များအတွက် အင်္ဂလိပ်စာတိုးတက်ရေးအတွက်ရည်ရွယ်၍ ပို့ချခြင်းဖြစ်ပြီး သာသနာရေးနယ်ပယ်တွင် အင်္ဂလိပ်ဘာသာဖြင့် ထူးချွန်စွာ ပြောဆိုနိုင်ရန်နှင့် သာသနာရေးဆိုင်ရာ လေ့လာမှုများကို ပိုမို ပြည့်စုံစေရန် တက္ကသိုလ်အုပ်ချုပ်ရေးဗဟိုအဖွဲ့ဥက္ကဋ္ဌ၏ ဩဝါဒအရဖွင့်လှစ်ခဲ့သော သင်တန်းတစ်ခုဖြစ်သည်။

မြန်မာနိုင်ငံသို့ ဘုရားဖူးခရီးစဉ် ရောက်ရှိနေသည့် ကမ္ဘောဒီးယားနိုင်ငံ၏ အဓိပတိဆရာ တော်ကြီး၊ ဓမ္မယုတ္တိကနိကာယဂိုဏ်းမှ သံဃရာဇာ Dr. Bour Kry ဦးဆောင်သည့် အဖွဲ့သည် ၃.၂.၂၀၂၅နေ့ နံနက်ပိုင်းတွင် ရန်ကုန်တိုင်းဒေသကြီး မှော်ဘီမြို့နယ်ရှိ မဟာဝိဟာရဓမ္မဝိနယတက္ကသိုလ်သို့ လာရောက်လေ့လာခဲ့သည်။ ဆရာတော်နှင့်အဖွဲ့အား တက္ကသိုလ်၏ ပါမောက္ခချုပ်ရုံးခန်း၌ ပါမောက္ခချုပ်ဆရာတော် ဒေါက်တာနန္ဒသေနာလင်္ကာရ၊ ဒုတိယပါမောက္ခချုပ် ဒေါက်တာဟံဝင်း၊ မော်ကွန်းထိန်းဆရာတော် ဒေါက်တာဝါယမ၊ ဖောင်ဒေးရှင်းဥက္ကဋ္ဌ ဦးသတိုးကျော်နှင့် အဖွဲ့တို့က ကြိုဆိုခဲ့ကြသည်။ ထို့နောက် ဆရာတော်ကြီးသည် ဧည့်သည်တော်မှတ်တမ်းတွင်လက်မှတ်ရေးထိုးပြီး တက္ကသိုလ်ဘက်မှ ဒုတိယပါမောက္ခချုပ် ဒေါက်တာဟံဝင်း က တက္ကသိုလ်၏ သင်ကြားရေးစနစ်နှင့် လုပ်ငန်းစဉ်များကို ရှင်းလင်းပြသခဲ့သည်။

လှုပ်ရှားမှု - အထူးဟောပြောပွဲ
ခေါင်းစဉ်: "Relations Between State and Sasana: Southeast Asian Perspective"
ဟောပြောသူ: Dr. Aye Chan
နေရာ: မဟာကဝိနန္ဒသိမ်တော်ကြီး
နေ့ရက်: ၁၃.၁.၂၀၂၄ (စနေနေ့)
အချိန်: နေ့လည် ၁ နာရီ

တက္ကသိုလ်စာသင်သားများ၏ ဗဟုသုတ တိုးပွားစေရန် ရည်ရွယ်၍ ကျင်းပခဲ့သော ဤအထူးဟောပြောပွဲတွင် တိုင်းပြည်နှင့် သာသနာတော် ၏ ဆက်ဆံရေး ၊ အရှေ့တောင်အာရှနိုင်ငံများတွင် ဘာသာရေး၏ အခန်းကဏ္ဍ အကြောင်း ကိုယ်တိုင်လေ့လာခဲ့သော ဆရာ ဒေါက်တာအေးချမ်း မှ မျှဝေပေးခဲ့သည်။

ပွဲအတွင်း ကျောင်းသားသံဃာတော်များနှင့် အမေးအဖြေ အစီအစဉ် ကိုလည်း ပါဝင်စီစဉ်ခဲ့ပြီး သက်ဆိုင်ရာနိုင်ငံများတွင် သာသနာတော်နှင့် အစိုးရဆက်ဆံမှုတွင် ကွဲပြားမှုများနှင့် ထင်ရှားသော နမူနာများ အကြောင်း ဆွေးနွေးမှုများ ပြုလုပ်ခဲ့သည်။

လှုပ်ရှားမှု - အထူးဟောပြောပွဲ
ခေါင်းစဉ်: "Buddhist Ethical Principles on Sustainable Living: With Particular Reference to Brahmavihara (The Four Sublime States)"
ဟောပြောသူ: ဒေါက်တာအရှင်ဝရဉာဏ
နေရာ: မဟာကဝိနန္ဒသိမ်တော်ကြီး
နေ့ရက်: ၆-၁၂-၂၀၂၄ (စနေနေ့)
အချိန်: နံနက် ၈:၃၀

ဒေါက်တာအရှင်ဝရဉာဏသည် ၂၀၂၃ ဒီဇင်ဘာ ၂၆ တွင် Vietnam Buddhist University တွင် ကျင်းပခဲ့သည့် The Second Cambodia, Laos, and Vietnam Buddhist Summit တွင် ရွေးချယ်ခံခဲ့ရသော စာတမ်းကိုဖတ်ကြားခဲ့သည်။

ထိုအတွေ့အကြုံမှ သင်ခန်းစာများကို ကျောင်းသားသံဃာတော်များနှင့် မျှဝေရန် ဤအထူးဟောပြောပွဲကို ပြုလုပ်ခဲ့ခြင်းဖြစ်သည်။

ဟောပြောမှုအတွင်း Brahmavihara (Metta, Karuna, Mudita, Upekkha) တရားများသည် တည်တံ့ခိုင်မြဲသော သက်တမ်းရှည်မည့် ဘဝနေထိုင်မှုအတွက်မရှိမဖြစ် လိုအပ်ကြောင်း ကို ရှင်းလင်းခဲ့သည်။

လှုပ်ရှားမှု - အထူးဟောပြောပွဲ
ခေါင်းစဉ်: "The Role of Library in Learning Higher Education"
ဟောပြောသူ: စာရေးဆရာ မောင်ဇေယျာ
နေရာ: မဟာကဝိနန္ဒသိမ်တော်ကြီး
နေ့ရက်: ၁၆-၁၂-၂၀၂၃ စနေနေ့
အချိန်: နံနက် ၈:၃၀

မဟာဝိဟာရဓမ္မဝိနယတက္ကသိုလ်တွင် ကျင်းပခဲ့သည့် ဤအထူးဟောပြောပွဲတွင် စာကြည့်တိုက်များသည် တက္ကသိုလ်ပညာမှာ အရေးပါမှု နှင့် ကျောင်းသားများအတွက် အသုံးချပုံ ကို စာရေးဆရာ မောင်ဇေယျာမှ တင်ပြခဲ့ပါသည်။

စာသင်သားသံဃာတော်များ တက်ရောက်ခဲ့ပြီး စာပေလေ့လာရာတွင် စာကြည့်တိုက်အသုံးချမှု၊ စာအုပ်ရွေးချယ်မှု၊ သုတေသနပြုလုပ်မှုနည်းလမ်းများ ကို လေ့လာခဲ့ကြသည်။ ထိုဟောပြောပွဲသည်လ စာကြည့်တိုက်၏ အရေးပါမှုကို ပိုမိုနားလည်နိုင်မည့် အခွင့်အရေး ဖြစ်ခဲ့ပါသည်။

ခေါင်းစဉ်: "ပိဋကတ်တော် ကျမ်းစာများကို အင်္ဂလိပ်ဘာသာသို့ သာသာပြန်ဆိုရာတွင် သတိပြုသင့်သည့်အချက်များ"
ဟောပြောသူ: ဒေါက်တာလှမြင့်
နေရာ: မဟာကဝိနန္ဒသိမ်တော်ကြီး
နေ့ရက်: ၂၂-၁၂-၂၀၂၄ (တနင်္ဂနွေနေ့)
အချိန်: နံနက် ၈:၃၀

မဟာဝိဟာရဓမ္မဝိနယတက္ကသိုလ်မှ စီစဉ်ကျင်းပခဲ့သည့် ဤအထူးဟောပြောပွဲတွင် ဒေါက်တာလှမြင့်မှ ပိဋကတ်တော် ကျမ်းစာများကို အင်္ဂလိပ်ဘာသာသို့ သာသာပြန်ဆိုရာတွင် သတိပြုရမည့် အဓိပ္ပာယ်ဆိုင်ရာ နှင့် ဘာသာပြန်နည်းလမ်းဆိုင်ရာ အချက်များ ကို တင်ပြခဲ့ပါသည်။

ထိုဟောပြောပွဲသို့ တက္ကသိုလ်ရှိ စာသင်သားသံဃာတော်များ တက်ရောက်ခဲ့ပြီး ဗဟုသုတများအား လေ့လာခွင့်ရခဲ့သည်။ ဒေါက်တာလှမြင့်မှ ဘာသာပြန်လုပ်ငန်းတွင် တိကျမှန်ကန်မှုရှိစေရန် သင်ခန်းစာများ ကို တင်ပြခဲ့သည့်အပြင်၊ မေးခွန်းများမေးမြန်းဆွေးနွေးမှုများဖြင့် ကျောင်းသားများအတွက် ပြည့်စုံသောရှင်းလင်းမှုများ ပြုလုပ်ပေးခဲ့သည်။

ဒီဟောပြောပွဲမှတစ်ဆင့် စာသင်သားသံဃာတော်များအနေဖြင့် ဘာသာပြန်လုပ်ငန်းများတွင် လိုက်နာသင့်သည့် အခြေခံသဘောတရားများ၊ ဗုဒ္ဓဘာသာကျမ်းစာများကို တိကျမှန်ကန်စွာဖော်ပြနိုင်ရန် လမ်းညွှန်ချက်များ ရရှိခဲ့ကြသည်။

ရှမ်းပြည်နယ်ဗုဒ္ဓတက္ကသိုလ်မှ ပါမောက္ခချုပ်ဆရာတော် အရှင်ဓမ္မသာမိ မှ မဟာဝိဟာရဓမ္မဝိနယတက္ကသိုလ် စာသင်သားသံဃာအားလုံးတို့အား အထူးဟောပြောပို့ချမှုကို ၂.၁၂.၂၀၂၄ (တနင်္လာနေ့) တွင် ပြုလုပ်ခဲ့ပါသည်။
ထိုဟောပြောပွဲသို့ အဓိပတိဆရာတော် အေးချမ်းသာယာဆရာတော်ဘုရား၊ တက္ကသိုလ်အုပ်ချုပ်ရေးဗဟိုအဖွဲ့ဆရာတော် အရှင်ဝိဇ္ဇာနန္ဒ နှင့်တကွ တက္ကသိုလ်ရှိ သင်ကြားစီမံ တာဝန်ရှိဆရာတော်များနှင့် စာသင်သားသံဃာတော်များ တက်ရောက်ခဲ့ပါသည်။
ပို့ချသည့်ခေါင်းစဉ် - "မှတ်စုပြုစုခြင်း" ဖြစ်ပါသည်။
ထိုဟောပြောပို့ချချက်မှာ တက္ကသိုလ်စာသင်သားများအတွက် အထူးအကျိုးကျေးဇူးရှိပါသည်။